7000 سنة!!!2!!!

تخيلوا

أكتشفت انى مش هاضيع عمرى ولا حاجة علشان يبقى عند مصدر للحسنات زى اللى كنت باحكى لكم عنة

بالعكس دا أنا أكتشفت أنى لازم أعيش كل لحظة فى عمرى
أعيشها قوى و أعيشها صح


أصل أنا لازم أتعلم وأدرس علشان يبقى عند علم أنفع بيه الناس

و لو عايز الناس تستفيد بالعلم ده لمدة طويييييييييييييييييييييلة

يبقى العلم ده لازم يبقى علم دقيق و محترم

ده هيخلينى أذاكر كتيييييييييييييير و أقرأ كتيييييييييير و أشتغل كتييييييييييير

وأسعى وراء المعلومات و أبقى سعيد كل ماأعرف معلومة جديدة



و علشان أعمل صدقة جارية تقعد مدة طويييييييييييييييييييييييلة

لازم يبقى عندى فلوس كتيييييييييييير:))
بس لازم تكون فلوس حلال علشان ربنا يقبل الصدقة

يبقى لازم أشتغل و أكسب وأبنى وأعمر و أجمع فلوس
بس من غير غش ولا ظلم ولا ربا



و علشان يبقى عندى ولد صالح يدعو لى

يبقى لازم اتجوز :))

ولازم اللى هتجوزها تبقى كويسة علشان الأولاد يكونوا كويسين

و لازم أحب مراتى و بيتى وأحافظ علىيهم

و لازم أربى أولادى أحسن تربية و أعلمهم أحسن تعليم

و لازم أوفر لبيتى و مراتى وأولادى كل السبل اللى تخليهم ديما فى أحسن حال



يعنى ببساطة لازم أعيش أحلى عيشة ممكن تتخيلها

و هيبقى عندى كمان اللى كنت بدور علية
مصدر حسنات ليا بعد ما أموت


و مين عارف يمكن أجمع حسنات أكتر من صاحبنا اللى مات من 7000 سنة

7000 سنة!!!!

كنت قاعد زهقان و عمال أفكر, عايز أعمل حاجة أتسلى بيها
جت فى بالى فكرة غريبة

قلت أنا ازاى أزهق أصلا و أنا أقدر أعمل كل حاجة و أى حاجة
طب الناس إللى ما تقدرش تعمل حاجة خالص شعورها يبقى عامل إزاى

أنا مش باتكلم عن اللى عندهم إحتياجات خاصة
و لا باتكلم عن المرضى


أنا باتكلم عن الأموات..........

تخيل معى
إللى مات ده يقدر يعمل أيه؟؟؟!!!!

سؤال غرييييييب.صح؟؟؟!!

طبعا كلنا عرفين إن الموت ده مش النهاية ده مجرد إنتقال لنوع تانى من الحياه
البرزخ

و الحياه ده مدتها من ساعة ما تموت لحد يوم القيامة!!!

يااااااااااااااااااااااااااااااااااه

يعنى لو تخيلنا واحد مات من أيام الفراعنة مثلا
الراجل ده بقالة 7000 سنة ما بيعملش حاجة؟؟؟!!!

طيب لو بيعمل بيعمل أيه؟؟؟؟

طيب هو ما زهقش؟؟؟؟؟؟

طيب هو اللى بيعملوا ده هيتحاسب عليه ولا لأ؟؟؟؟!!

السؤال الأخير ده هو اللى قعدت أفكر فيه....
لأ هو مش هتحاسب على حاجة من إللى بيعملها فى الحياه البرزخية لأن الدنيا هى دار العمل.

بس أفتكرت حديث الرسول صلى الله عليه و سلم " إذا مات الإنسان انقطع عنه عمله إلا من ثلاثة : إلا من صدقة جارية . أو علم ينتفع به . أو ولد صالح يدعو له"

كلنا سمعا الحديث ده كتيييييييير

بس أنا عمرى ما شفت الصورة بالطريقة ده..........
لو فرضنا مثلا مثلا إن الراجل اللى مات أيام الفراعنة ده كان مسلم (من أتباع سيدنا ابراهيم مثلا)..............
و انه كان عالم أكتشف اسس علم احنا لسه بنستخدمه.........
و انه كان عنده بير ميه فى الصحرا و أتبرع به للناس و البير ده لسه موجود............
و انه موصى أولاده و أولاد أولاده أنهم يدعوله و الوصية ده أحفاده محافظين عليها لحد دلوقتى................

يا عم ما تزعلش أنا بقول مثلا، كمل الحسبة معيا بس :)

الرجل ده كدا بيجمع حسنات بقالو 7000 سنة و لسه العداد شغاااااااااال!!!!!!

حسبه خيالية.....

لأ مش خيالية قوى
بس ممكن حكاية الوصية ده هى اللى تتنسى

إنما العلم و الصدقة الجارية ممكن

بس أيه، مش أى علم ولا أى صدقة

ديه لازم تكون حاجه جامدة قوى

بس بصراحة النتيجة تستاهل التعب

انت عمرك كله على بعضه كام سنة؟؟؟
شوف بقى لو عندك مصدر حسنات ممكن يشتغل لآلاف السنين
دا انا ممكن أضيع عمرى كلة علشان ألاقى مصدر الحسنات ده





نكمل بعديييييييييييييييين أنا رايح أفكر هاعمل أيه!!!!

أهلاااااااااااااااااااااااااا

محدش يسأل أنا عملت البلوج ده ليه.
الأجابة واضحة.....
كل الناس بقى عندها بلوجز, فقلت أعمل واحد بس أوعدكم أنه يبقى حلو.