كنت قاعد زهقان و عمال أفكر, عايز أعمل حاجة أتسلى بيها
جت فى بالى فكرة غريبة
قلت أنا ازاى أزهق أصلا و أنا أقدر أعمل كل حاجة و أى حاجة
طب الناس إللى ما تقدرش تعمل حاجة خالص شعورها يبقى عامل إزاى
أنا مش باتكلم عن اللى عندهم إحتياجات خاصة
و لا باتكلم عن المرضى
أنا باتكلم عن الأموات..........
تخيل معى
إللى مات ده يقدر يعمل أيه؟؟؟!!!!
سؤال غرييييييب.صح؟؟؟!!
طبعا كلنا عرفين إن الموت ده مش النهاية ده مجرد إنتقال لنوع تانى من الحياه
البرزخ
و الحياه ده مدتها من ساعة ما تموت لحد يوم القيامة!!!
يااااااااااااااااااااااااااااااااااه
يعنى لو تخيلنا واحد مات من أيام الفراعنة مثلا
الراجل ده بقالة 7000 سنة ما بيعملش حاجة؟؟؟!!!
طيب لو بيعمل بيعمل أيه؟؟؟؟
طيب هو ما زهقش؟؟؟؟؟؟
طيب هو اللى بيعملوا ده هيتحاسب عليه ولا لأ؟؟؟؟!!
السؤال الأخير ده هو اللى قعدت أفكر فيه....
لأ هو مش هتحاسب على حاجة من إللى بيعملها فى الحياه البرزخية لأن الدنيا هى دار العمل.
بس أفتكرت حديث الرسول صلى الله عليه و سلم " إذا مات الإنسان انقطع عنه عمله إلا من ثلاثة : إلا من صدقة جارية . أو علم ينتفع به . أو ولد صالح يدعو له"
كلنا سمعا الحديث ده كتيييييييير
بس أنا عمرى ما شفت الصورة بالطريقة ده..........
لو فرضنا مثلا مثلا إن الراجل اللى مات أيام الفراعنة ده كان مسلم (من أتباع سيدنا ابراهيم مثلا)..............
و انه كان عالم أكتشف اسس علم احنا لسه بنستخدمه.........
و انه كان عنده بير ميه فى الصحرا و أتبرع به للناس و البير ده لسه موجود............
و انه موصى أولاده و أولاد أولاده أنهم يدعوله و الوصية ده أحفاده محافظين عليها لحد دلوقتى................
يا عم ما تزعلش أنا بقول مثلا، كمل الحسبة معيا بس :)
الرجل ده كدا بيجمع حسنات بقالو 7000 سنة و لسه العداد شغاااااااااال!!!!!!
حسبه خيالية.....
لأ مش خيالية قوى
بس ممكن حكاية الوصية ده هى اللى تتنسى
إنما العلم و الصدقة الجارية ممكن
بس أيه، مش أى علم ولا أى صدقة
ديه لازم تكون حاجه جامدة قوى
بس بصراحة النتيجة تستاهل التعب
انت عمرك كله على بعضه كام سنة؟؟؟
شوف بقى لو عندك مصدر حسنات ممكن يشتغل لآلاف السنين
دا انا ممكن أضيع عمرى كلة علشان ألاقى مصدر الحسنات ده
نكمل بعديييييييييييييييين أنا رايح أفكر هاعمل أيه!!!!
هناك 5 تعليقات:
شوف يا أخ عبد الرازق ... الموضوع كبير ... مش عارف هتقدر تستوعبه ولا لأ , لأنى أصلا مش فاهمه
الزمن جزء من الحياة مش العكس
يعنى الحياة هى اللى بتظهر الزمن
هههههه يعنى وأنت صاحى ممكن تعيش الزمن إنما و أنت نايم لأ ليه عشان مفيش حياه فبالتالى مفيش زمن .
من مات قامت قيامته .... اللى مات أيام الفراعنة هيقضى نفس الوقت اللى هقضيه أنا لما أموت
والله أعلم
اهلا بك يا coronary
أنا متفق معك فى الجزء الأول من التعليق
لكنى لا أتفق معك فى:
1.اللى مات قامت قيامته: الأن القيامة ستقوم لكل الناس فى ميعاد واحد و محدد لكن نحن لا نعرف هذا الميعاد
2. رغم أن ممكن يكون إحساس الرجل اللى مات من 7000 سنة بالزمن مختلف عن إحساسنا لكن من المؤكد أنه سيقضى مدة أطول من من سيموت مننا الآن على الأقل بمقاييس الدنيا.
و أحب أفكرك بحاجة, احنا ممكن نستخدم مقاييس الدنا لحساب الزمن فى الأوقات التى لا تنطبق فيها هذه المواقيت, أقصد عندما وصف الله يوم القيامة بأنه "يوم" مقداره "50000سنة" بمقاييس الدنيا!!!
السلام عليكم
مش القصد يامحمد إن من مات قامت قيامته إن لكل واحد قيامة . لأ أنا قصدى إن بما إن كل اللى بيموت بيبقى فى اللا زمن ف اللى مات زمان زى اللى مات قبل يوم القيامة بيوم .. يعنى كلهم فضلوا فى اللا زمن و بما انه لا زمن فهو مش مدة أصلا :))) أنا مش فاهم حاجة
بس عموما أنت مخك عالى وتفكيرك غير معتاد .. فكر بقى فى الحاجات اللى ممكن يكون ليها إجابة يمكن تأخد جايزة نوبل إن شاء الله
من مات فقد قامت قيامته
حديث ضعيف
أنا مش بستشهد بيه مكنتش متأكد إنه حديث أصلا
إرسال تعليق