لوحات العربيات الجديدة شكلها حلو و تحث على الإنتماء فكلها مكتوب عليها مصر مصر مصر..............
بس فى نفس الوقت مكتوب عليها حروف تانية
حروف ممكن توحى بمعانى كتييييير
و فى رأيى المعانى ده ممكن يبقى لها علاقة بصاحب السيارة أو السيارة نفسها
و متهيألى هيقى فيه نوع فراسة جديد يستخرج معانى الحروف ده و يطابقها بشخصية صاحب العربية أو العربية نفسها
و أحلى حاجة ان الحروف ده ممكن تتقرى من الشمال لليمين و من اليمين للشمال يعنى معانى أكتتتر
مثلا عربية اخواتى"ع ب أ" هى فعلا عايزة صيانة كتير
بالنسبة لصاحب العربية ممكن تلاقى واحد "أ س د" و واحد "هـ ف أ" و واحد "ب ج م"
واحد "م د ب" و رفيع زى الـ "ب ر ص" و واحد تخين لما يقع "ى د ب"
واحد ماشى على الـ "د ر ب" و واحد يحب يمشى فى "س ر ب"
وا حد صوته "ط ر ب" مع أنه "أ م ى" و محترف "ب ص م"
واحد صوته "ص ع ب" لما يقول "أ ل و" فى التليفون عمرك ما تفكر و تقول "أ ج ى" أزوره
و واحد "ط ي ب" "ب د هـ" يعمل الـ "ب د ع" علشان يكرمك اصله من بيت "ج و د"
أما عن الستات فكلهم "ا ب ر"
و ممكن تكون الحروف ده فى صيغة الأمر
ممكن حروفك تقول "ب ع هـ"!!!.......... صح اللى يبيعك بييييييعه
و "ا د ع" ربك و "أ ط ع" رسوله
و فيه حروف تانة ممكن ما تعملش كلمات بس لها دلالات قوية
زى "ط ق ج" كلها حروف قلقة!!! تقيلة و مش ثابته و تحسسك بقلق
"ى ج ب" مراعاة هذا و انت بتتعامل مع صاحب العربية ده
"ب س"على فكرة كل الحروف ده كلها حقيقة و على عربيات شفتها بنفسى وقعت أجمعها من الصبح للـ"ع ص ر"
و لا "أ ج د" شئ اقوله فى أخر الموضوع غير انى ادعو ربنا انه يرزقنى حروف حلوة لما أروح ارخص عربيتى..............
ليست هناك تعليقات:
إرسال تعليق