أنا بحبها!!!!!

أنا بحبها
أصل مصر هى أنا و أنت و أهلى و أصحابى و بيتى و مدرستى والشارع اللى أنا ساكن فيه و................

صحيح فى ناس مابحبهمش و ناس بكرههم. بس دول مش مصر دول ناس عايشة فى مصر.

و الفرق كبييير

السؤال هو هل تشعر انك صاحب البيت أم أنك مجرد ضيف؟؟؟

لو أنت صاحب البيت
يبقى ماينفعش تقول أنا باكره بيتى علشان قذر
لو بيتك مش عاجبك يبقى نظفه و صلحه أو استحمله على حاله
ممكن يكون التصليح ده صعب أو كتير أو التراب عالى عليك مش عارف توصل له
يبقى ابدأ بالحته السهلة اللى حوليك و لما تنظفها و تصلحها كمل فى حته تانية
و واحدة واحدة أصل بيتى و بيت عيالى
هافضل وراه لحد ما يبقى على مزاجى

انما لو حاسس انك ضيف و ان الناس الوحشه اللى حوليك دول هما أصحاب البيت
يبقى مفيش أى مبرر تسكن فى فندق
و خصوصا لو اصحاب الفندق دول حرامية و مرتشين و بتوع وسايط
دور على فندق تانى
أو أحسن دور على بيت يكون على مزاجك

عارف
كان فيه حاجة كنا بنعلمها للناس لما كنا بنشرحلهم أهمية المحافظة على البيئة
كنا بنقولهم
الأرض ده سفينة بس من غير ركاب، كلنا بحارة

وكذللك مصر

"و مصر يا اما يا سفييييييييينة
مهما كان البحر عاتى
فلاحينك ملاحينك
..............."